De Plakboek.
Een paor weken leden kwam Aaltje langs met een plastic puut vol met plakboeken . “Zo” zee ze “geef ze môr an Martijje , die kan d'r misschien wel wat met. Heb Daniel Lohuus ôk al mailt , maor die reageert niet”
Ik zee nog: “Wilt jouw breurs ze niet hebben dan?” “ Nee die hebt d'r gien belang bij” K'eb ôk nog angeven da’k al genôg rommel har. Aor Aaltje was vastberaoden. En wij kent mekaor al vanof de Legere schoel. Dus….
De plakboeken waren saomensteld deur Aaltje heur mam, Jopkie Lensen Koops. Jopkie was geboorn in Taorl en was trouwt met Albert Lensing. Ze waren boer en woonden waor as nou restaurant de Loohoeve is. En aal die Lensinkies, die hier in Schlo woont, heurt allemaol bij het naogeschlacht van Jobkie.
En beste lezer . Ik mag wel stellen. Jobkie hef hiel wat knip- en plakwark daon! 4 plakboeken vol.
Dree der van heb ik deurstuurd naor mien dochter. Allemaol Drèntse oetspraoken, gedichten en Drèntse gezegdes . Nou is het wel zo dat componisten en schrievers vaok hun eigen ideeën wilt weergeven, maor ik denk dat ze er wel even goed deursnuffelt en het dan vervolgens deurgef an het Hoes van de Taol, umdat ze daor an verbunden is.
Het plakboek met de kraantenknipsels he’k eerst even zölf holden . Daor stiet zoveul in over boeren en de problemen en over personen int neis, die d’r deur de jaoren hen waren .
Want ök lang leden gingen de boeren al met trekkers naor Den Haag um te protesteren . Daor gao ik het de volgende keer oetgebreid over hebben .
Maor ien krantenkop wil ik nou al even plaotsen :
21 mei 1997
“Boeren in beschermd gebied kunnen niet leven van idealisme”
Jobkie wus de belangrieke dingen te beholden veur het naogeslacht.
As ik oetkeken ben, geef ik dit plakboek denk ik an het Historisch gezelschap in Rolde.
Gr Rika
